些路迪「登」門搶盃大有睇頭

猪拉多纳

11/03/2012
文： 洪心Dee

些路迪上場賽和鴨巴甸，聯賽17連勝紀錄終止，但話晒佢哋都穩奪蘇超冠軍，耐唔耐失一次分好正常，今晚踢蘇格蘭足總盃8強戰作客登地聯，肯定唔會留手，不過主隊近排亦相當「好火」勁多波入，都係捧1.88倍入球大比較穩陣。（開賽時間：周日晚9:15）

登地聯近6戰共入16球

蘇超從來都係格拉斯哥雙雄玩晒，不過自從流浪被扣10分，依家領先21分嘅些路迪幾乎肯定奪冠，梗係冇心再搏殺啦！但嚟到足總盃應該會重燃爭勝決心，今仗除咗有入球不斷嘅史杜基斯及加利賀柏在陣，仲有隊長史葛布朗傷愈復出，入番2、3球娛樂吓球迷絕對唔係問題。


不過登地聯亦唔係好恰，莊達利、根寧及莊尼羅素個個弗到漏，幫隊波近6場不敗兼勁入15球，些路迪未必可保住清白之身！雖然登地聯領隊彼德侯斯頓話今場要靠運，但係有波入嘅話，就算出局都叫交到貨啦！

蘇格蘭足總盃賽制

今輪為8強戰，若法定時間打成平手，均需擇日重賽。