不來梅漢諾威打吡捱細界

猪拉多纳

11/03/2012
文： 蘇斯黑柴

德甲頭場上演北方打吡，雲達不來梅主場對漢諾威，兩軍今季表現都已經比預期好，但今仗不約而同遇上難題，主隊傷兵多攻力弱，客軍連戰兵疲冇得回氣，今場預計唔會多波入，黑柴建議小注1.92倍入球細。


（有線61及201台周日晚10時30分直播）

不來梅太倚賴比沙路

不來梅近期受傷兵問題困擾，除咗拿度、保路斯基、肯特呢啲長期傷兵，射手阿拿奧杜域賽前亦無厘頭因放狗受重創，兩個技術出眾嘅中場馬高馬連同伊基斯演出極度飄忽，前線得33歲老將比沙路單天保至尊，教練舒哈夫近仗狂用新人，但攻力疲弱問題難解，近兩仗面對弱旅紐倫堡同哈化柏林都輸0:1，今仗雖然有富斯同普特爾傷愈復出，但兩名守將對進攻方面幫助甚微。

漢諾威兼顧歐霸攰晒

漢諾威上周中喺艾度拿奧爾、舒拿達夫、普加迪斯同埋舒米迪巴治等多名主力因傷缺陣下，作客2:2逼和比利時標準列治，喺歐霸盃十六強首回合取得理想戰果，不過踢完該役不足三日就要踢呢場打吡，今場已經係佢哋24日內第7場硬仗，除咗傷兵多，中場硬漢基斯甸舒侯斯亦要停賽，下周中仲有歐霸盃次回合要踢，對佢哋有限兵源嘅體能考驗極大，今仗作客唔可以太貪心，做好防務守和已經收貨。