皇馬分神歐聯炒唔起貝迪斯

猪拉多纳

10/03/2012
文： 查理阿蛋

啱啱迎嚟創會110周年嘅皇家馬德里今季大有可能做西甲盟主，但係佢哋近排作客演出麻麻，往往只係贏1球甚至和波收場，今晚喺西甲造訪貝迪斯，神勇嘅C朗極有可能係唯一致勝關鍵，不妨冷敲3.55倍「讓球和」，博「銀河艦隊」小勝。（now632台及廣東體育周日清晨5:00直播）

唔少人都批評C朗淨係識喺實力較弱嘅球隊身上入波，但佢嘅入球數字的確相當驚人！今季西甲經已攻入30球嘅C朗，近10戰只得1場冇波入，最近5場攻入7球之餘，仲全部開出首名入球添！早前「銀河艦隊」作客華歷簡奴久攻不下，就係憑C朗靈光一閃用後腳入波奠勝，皇馬近排作客入波唔多，今場好有可能都係要靠C朗魔法搶分。


近3場西甲作客均勝1球


皇馬近3場西甲作客都係險勝1球，氣勢明顯同主場爭好遠，咪忘記「銀河艦隊」下周中仲要喺歐聯16強次回合，迎戰莫斯科中央陸軍，首回合被逼和嘅皇馬，今仗大有機會留力，博佢哋大炒似乎冒險咗啲。

對家貝迪斯嘅實力雖然同皇馬有一段差距，但2位射手魯賓卡斯度及佐治摩連拿近幾場都有士哥，狀態唔曳，今晚有力令皇馬防線失守o架！既然「銀河艦隊」只要全取3分就可以保持領先優勢，冷冷哋博個「讓球和」就最划算

猪拉多纳