熱刺求大炒當甲組仔冇到

猪拉多纳

07/03/2012
文： 查理阿蛋

今晚英格蘭足總盃上演第5圈重賽，近況不濟嘅熱刺會迎戰甲組仔史提芬納治，雖然入球大細中位數改為3.5球，小妹都照捧2.02倍入球大，撐熱刺反底大勝！夏利列納話就話冇考慮做英格蘭領隊，不過如果足總真係搵佢接手，夏利叔又點會推先？佢實行帶熱刺大炒晉級，幫自己省番靚個招牌！（now671及672台周四凌晨3:30直播）




熱刺近況的確唔多掂，特別係防守方面，最近兩場夾埋失咗8球，搞到一眾「刺迷」冇眼睇，如果今場對史提芬納治都打唔到翻身戰，繼任英格蘭領隊呼聲極高嘅夏利列納又顏面何存？上場對曼聯，夏利叔用辛度雲尼亞里同埋積基李華摩亞兩位小將喺中路拍檔，將莫迪歷逼去左路，搞到呢位克羅地亞國腳作用大減，埋下輸波伏線。


柏加刑滿復出 莫迪歷回歸中路


好彩今仗柏加坐完波監復出，莫迪歷可以回歸中路，相信會加強中場控制力同埋對後防嘅掩護，對住實力低一班嘅史提芬納治，應該可以取得壓倒性優勢，加上前線有「長腳蜢」艾迪巴約及新加盟嘅沙夏壓陣，火力唔成問題。


史提芬納治留力爭升班


史提芬納治自從賽和熱刺後，近4場英甲都未贏過，今晚對住熱刺即使打守勢波，但係冇咗主場嘅神奇威力，實在難保清白。最令人擔心係史提芬納治近期喺聯賽連番失分，打入前6爭取升班資格嘅形勢愈來愈險峻，佢哋大有可能留力聯賽，對住矢志要打翻身仗嘅熱刺，都幾難再做攔路虎。


足智彩盃賽晉級賠率


（三）12 熱  刺 Vs 史提芬納治 主隊1.03 客隊9.00




（三）13 尼科西亞 Vs 里  昂 主隊5.25 客隊1.12

英格蘭足總盃賽制

今輪為第5圈重賽，以一場過分勝負，若法定時間內打成平手，則需加時作賽，再和則互射12碼決勝。