無帥英幼獅咬唔入比利時

猪拉多纳

29/02/2012
文： 自由恒

今日上演嘅亞洲區世盃外圍賽，已經喺周一出咗參考賠率，並喺尋日下晝受注，唯獨巴林對印尼場波抽番起，要到今午先出賠率兼有得買，睇番外地唔少莊家都未開盤，通常呢類波到臨場賠率變動都會極大，但絕對不宜盲目跟風。


上輪交手比利時贏2:1


其實熱身賽先係今日主菜，不過大牌球星攞正牌揸流攤，絕對唔係理想投X場合，反而英格蘭主場對比利時嘅H組歐國盃U21外圍賽仲值得留意。由於三獅兵團近年銳意年輕化，唔少幼獅已提早進身大國腳，搞到U21見得人嘅來來去去都係佐敦軒達臣同埋阿歷士張伯倫，家陣連領隊皮雅斯都兼任大國腳領隊，今晚喺米杜士堡河畔主場對比利時場波，要由U20領隊伊斯迪克暫掌帥印。




對手比利時絕大部分球員都喺本土搵食，識得嘅就只有係保頓後衞保耶達，不過話晒上輪外圍賽喺主場以2:1擊敗過英格蘭，實力差距唔係太遠，加上今屆外圍賽場場有波入，3.3倍「讓球客勝」抵博。（now671台及廣東體育周四凌晨2:00直播）




足球重心：比利時U21（讓球客勝）




馬膽推介：8場 J紅旗勇將




喺沙田接連同「精彩日子」硬撼，回師快活谷贏盡級數，小休重臨難得及時停雨，可望再贏。

U21賽制：

52隊分10組踢小組雙循環制，每組首名及4隊最佳次名，抽籤後將進行主客兩回合附加賽，7隊勝方將連同主辦國以色列進身決賽周。