波蘭「+1」嗒葡萄

猪拉多纳

29/02/2012
文： 笛子波童

歐國盃決賽周主辦國之一波蘭，熱身賽主場迎戰葡萄牙，葡萄牙作客表現一向麻麻，而且C朗、拿尼、比比呢班巨星嚟緊仲要為所屬球會賣命，呢類太公波未必同你搏。波蘭應付熱身賽態度認真，對上七場僅曾一敗，「讓球主客和」葡萄牙讓一球，波童捧波蘭「讓球主勝」。（now 632及660周四凌晨3時45分直播）




葡萄牙近年雷聲大、雨點小，尤其作客經常走樣，今屆外圍賽及附加賽便曾經輸畀挪威、丹麥及打和波斯尼亞，連有競爭性嘅比賽都咁差，熱身賽更加唔使旨意有反彈演出。


葡軍星級戰將厭戰


波蘭主力羅拔利雲度夫斯基、巴拉斯塞高斯基近期喺多蒙特弗到漏油，佢哋比葡萄牙球員優勝嘅地方係唔使應付歐洲賽，相反客軍大部分主力包括C朗、拿尼、摩天奴、魯爾梅利斯等等都要兼顧多條戰線，呢類太公波一般都hea踢交差。




波蘭由於以主辦國身份直接進身決賽周，每次練兵態度都好認真，例如去年主場便曾打和實力不俗嘅德國及墨西哥，近七場國際賽只輸過畀意大利，今次再於主場出戰有力保不敗，讓球主客和「+1」咪走寶。