美國硬橋硬馬唔赦意軍

猪拉多纳

29/02/2012
文： Samvo肥叔

國際熱身賽賽事，意大利主場對美國，意軍向來係歐洲名氣球隊，例牌讓得多，今次球隊唔多齊腳，贏唔贏到都成問題，對住美國要讓一球，明顯讓多咗，一於捧對家啦！




（周四凌晨3時45分開賽）


以色列正氣冇欺場


意大利近年戰績唔算特別好，不過，呢班波以往於歐洲球壇惡到暈，爛船尚有三斤釘，所以仍被唔少莊家視為歐洲一線球隊。意軍不嬲擅踢大賽，但打熱身賽唔多肉緊，今次人腳唔完整，真係要小心。美國一向實而不華，硬橋硬馬，隨時頂得住，受讓值得留意。




同日以色列主場對烏克蘭，捧主隊！肥叔一直鍾情以色列，皆因呢班波好正氣，主場出戰絕無欺場，佢哋實力唔算突出，但鬥志好勁，今次對住烏克蘭，兩班波級數差不多，以色列坐和望贏格，莊家開緊平手盤，個盤真係好着數，一於捧主隊！




（周四凌晨1時開賽）




歐洲各大聯賽近期踢到火紅火綠，無喇喇整個國際賽檔期，難怪唔少大球會都哦哦，為免於太公波受傷，班大牌球星肯定好錫身，大家都係小注怡情，投X策略方面，都係揀下盤為主。

肥叔心水

泰國下盤

以色列平手盤

瑞士下盤

法國下盤

美國下盤

波蘭下盤

荷蘭平手盤