史必紀念賽威爾斯戰意壓一

猪拉多纳

29/02/2012
文： Combo King

今日搵嚟三場國際熱身賽同大家研究，最值得注意係威爾斯主場對哥斯達黎加。今場對主隊嚟講，屬非一般熱身賽，而係為悼念前國家隊領隊史必嘅紀念賽，除隊長艾朗藍斯受傷缺陣外，前鋒比拿美、加里夫巴利等都強勢列陣，誓為史必爭取勝利，主W好路。




史必自殺震驚世界球壇，佢極受威爾斯職球員敬重，其中比拿美更同佢稱兄道弟，今戰必然付出百二分努力，希望憑勝利以慰史必在天之靈。隊長艾朗藍斯倦勤，雖肯定影響球隊進攻創造力，但熱刺飛翼加里夫巴利大勇，哥斯達黎加遠道而來，無謂搞寸人哋個場，今場威爾斯主W要𥄫實。


串蘇格蘭細巴拉圭細


另外同樣來自英倫三島嘅蘇格蘭，將作客斯洛文尼亞。以波論波雙方半斤八両，而斯軍一向守強攻弱，就算有主場之利都難有甜頭，蘇軍作客亦以穩行先，今戰捧細。最後睇埋巴拉圭主場鬥巴拿馬，雖然巴拉圭今戰有徵召多蒙特鋒將巴里奧斯助陣，但其餘人腳大部分來自國內，整體實力只屬一般。巴拿馬自知實力有所不及，必抱輸少當贏心態應戰，球隊近期鬥美國僅輸○比一，都係捧細。