A高競投女星飯局 不敵富商

猪拉多纳

29/02/2012


艾殊利高爾錯失同女歌手古爾丁約會餐士！決戰荷蘭之前，英格蘭大軍齊齊出席慈善晚會，大會安排特別拍賣環節，英軍左閘A高積極參與競投「與女歌手古爾丁約會」機會，出價一度高達5,000鎊（約6萬港元），不過有位富商亦想同該名廿五歲英國靚女歌手單對單約會，最終A高不敵富商，只能同女方合照補數，錯失追女仔良機！




泰利掟20萬同歌星食晏




前隊長泰利今次並冇入選國家隊，但亦有現身晚宴，佢於拍賣環節都好落力，以16,000鎊（約20萬港元）投得同男子組合JLS食晏機會。泰利全晚滿場飛，當英軍眾星合照時，佢亦楔位影埋一份，可惜畀車路士隊友A高遮住個樣，事後畀傳媒笑到面黃，真陰公！