森巴兵遊瑞士歎細界

猪拉多纳

28/02/2012
文： Mic少

周中屬於國際賽檔期，巴西率先登場喺中立場瑞士，同波斯尼亞踢熱身賽。「森巴兵團」人腳不整，兩位AC米蘭射手羅賓奴及柏圖都冇入選，鋒線靠晒二十歲新星尼馬數胡，攻力或不足。而且巴西近期踢熱身賽多數「煲魚生粥」僅小勝，齋W1.32倍過熱唔抵玩，Mic少建議玩1.9倍入球細。(周三凌晨3時開賽)




巴西領隊文奴文尼斯今次揀人「重守輕攻」，防線仍然有車路士中堅大衞雷斯、AC米蘭中堅堤亞高施華，巴塞右閘丹尼爾及皇馬左閘馬些路等歐洲兵。反而中前場以一班邊緣國腳及巴西本土聯賽球員為主，鋒線四位球員之中，最多上陣次數嘅球員已經係小將尼馬，另外三人侯克、莊拿斯干卡維斯及李安度達美奧喺國際賽舞台仍未成氣候。


文帥帶兵旺煲魚生粥


中場情況亦差唔多，由老將朗拿甸奴孭飛，但呢位球星高峰期已過，而且巴甲仲未開鑼，一班土炮狀態成疑，好難期望佢哋可以踢出水銀瀉地攻勢。事實上，巴西喺文奴文尼斯執教下作風穩健，近七場熱身賽有六場開細，今仗小勝居多。




至於波斯尼亞靠晒曼城前鋒迪斯高攻堅，但球隊整體實力平庸，面對巴西控球在腳踢法，估計呢位射手獲得嘅供應有限，想入波相當困難，捧入球細啱數。