米堡雷丁細均力敵

猪拉多纳

25/02/2012
文： 麥馬拿仁

今晚英冠直播戲碼，米杜士堡主場對雷丁，分分鐘係悶戰一場。兩軍都守強於攻大踢穩陣波，首循環交手就互交白卷，而本季聯賽米堡主場同雷丁作客賽事，開細比率都高過七成。雙方正力爭升班，今仗目標先保不敗，捧細盤啱數！（now 638周六晚11時直播）




拿仁不少朋友都係「大盤客」，米堡同雷丁就係佢哋口中「衰波」。翻查本季英冠大細統計，雷丁開細比率為六成五、米堡就六成一，均位列聯賽開細率最高頭五位置。若細分主、客場就仲誇張，米堡比率為七成五，雷丁則七成一，可見雙方踢法特性。米堡中場大將巴利笠臣今仗上陣成疑，大大影響球隊攻力，而雷丁狀態佳作客頂得住，預料兩軍大踢穩陣波，捧細。


葉士域治４連勝受讓有計


白禮頓主場鬥葉士域治，白軍近期賽程勁密，連續兩場作客利物浦同侯城攰到極，今晚五日內第三次出擊，讓唔起四連勝嘅葉士域治，捧「讓球客勝」同細盤。另一場高雲地利主場對班士利，「高地」專搏主場賽事，近十五仗主場僅得一戰冇波入，班士利則為「神經刀」入得又失得，捧大。