車仔半場咬唔入保頓

猪拉多纳

25/02/2012
文： 車車

今季英超榜首位置爭得好激烈，依家排頭三位嘅曼城、曼聯同熱刺實力都不相伯仲，不過令人最失望嘅球隊，兩支倫敦班霸車路士同阿仙奴實走唔甩喇。阿仙奴聽晚就會對熱刺，而車路士今晚會先喺主場出擊對保頓，希望可以一吐烏氣，打番場爭氣波！（有線200及300台周六晚11時直播）




車路士近況持續低沉，近五場波都贏唔出。聯賽失意，足總盃同歐聯亦唔見得順利，有人就話搞到咁，都係怪班球員唔乖，當領隊保亞斯透明，亦有人話係保亞斯無料到。總之依家車仔就處於軍心不穩、冇團體精神狀態。有睇歐聯嗰場拿玻里對車路士就知，特別係艾殊利高爾，完全目中無人，咁樣又點可以踢出水準？




保頓呢場作客去史丹福橋球場，咪睇佢哋排尾二，近排都有股衝勁，近七場賽事都贏過四場，近期要讚嘅就梗係主場和阿仙奴同贏過利物浦啦。


下半場玩「即場投X」


依家保頓護級要緊，雖然首循環主場畀車仔大炒五比一，不過車路士近況低迷，賽程又緊密，好似上次咁再大炒多次唔易喇！講真，雖然係架「殘車」，但仲有啲斤両，車仔點都秤高少少，但呢場波我估半場和機會大，車仔半場未必咬得入保頓，下半場最好就邊睇邊玩「即場投X」，因為變數太多喇。




車車01年起在電台主持年輕人節目，05年起主持電台足球節目，10年底加入球彩台，主持《球彩俱樂部》及《球盤龍門陣》，並參與每周足球賽事直播。