畢爾包主場拆散火車頭

猪拉多纳

23/02/2012
文： Mic少

歐霸盃三十二強次回合早場，西班牙球隊畢爾包主場對俄羅斯球隊莫斯科火車頭，畢爾包首回合僅輸一比二，有一粒作客入球在手，而且呢支巴斯克地區兵團一向以主場氣勢旺盛見稱，要淨贏兩球晉級機會相當高，博「讓球主勝」。




（有線63及203台周五凌晨2時直播）




畢爾包首回合受到莫斯科寒冷天氣及人造草球場「夾擊」，都可以先開紀錄，但其後被判罰十二碼，最終輸埋，的確欠運，今仗返回地利地頭，已掃除上述不利條件，相信會有更佳發揮。事實上，畢爾包主場戰績一向出色，近十次主場出擊取得八勝二和，球員球迷眾志成城，隨時大炒火車頭。




由於俄超已歇冬近三個月，火車頭長期靠熱身賽保持狀態，作戰能力唔及畢爾包，而且佢哋近五次作客西班牙球隊，只得一和四負劣績，前景悲觀。