銀河艦隊爆破「陸軍」

猪拉多纳

21/02/2012
文： 走肖

歐聯16強首回合又有好戲上演，莫斯科中央陸軍今晚喺盧茲尼基球場對皇家馬德里，偷雞唔易。首先中央陸軍嘅本田圭佑傷愈後根本未弗，戰鬥力大跌，其次係皇馬教練莫連奴熟晒中央陸軍路數，兩年前曾經帶領國際米蘭「雙殺」對方，就算係作客莫斯科要喺零下12度低溫出戰，皇馬1.95倍「讓球客勝」一樣撐得過。（有線61、64、201及204、中央5台周三凌晨1:00直播）


本田圭佑缺態做後備


雖然日本新國寶本田圭佑，剛啱喺熱身賽攻入去年11月受傷以來首個入球，證明傷勢無咩大礙，但距離最佳狀態仲差好遠，就連必殺技無回轉罰球都未必射得出，陸軍個教練都話會放佢响後備席先。而且中央陸軍有中場馬馬伊夫同右閘拿巴堅同樣停賽，面對皇馬仲要被迫變陣，試問點會有運行？




另一方面，皇馬已經喺聯賽放甩死對頭巴塞隆拿，歐聯可以專心搏殺，要知道皇馬喺今屆歐聯分組賽6戰全勝，攻入19球僅失2球。而且「銀河艦隊」近30場有27勝1和2負，W唔出嘅3場波對手全部係巴塞，即係話除咗「地上最強」，其他球隊遇上皇馬基本上輸梗，即使今仗佢哋有上場復出就肌肉受傷嘅阿根廷翼鋒迪馬利亞無隨軍，仲要面對寒冷、大風嘅天氣，但都無謂刻意敲冷吖！


皇馬近30戰27勝


再講，莫連奴喺前屆歐聯8強，曾經帶領國際米蘭先後喺主客場以1:0打沉中央陸軍，「寸王」喺賽前都話天氣凍、人造草場都唔係問題，只要夠強就乜都掂。仲有呀，最近西班牙有消息話，C朗要求皇馬為佢加薪至年薪2,000萬歐元，仲話假如唔答應，佢會考慮去曼城，近排C朗入波停不了，可能真係同扭計要加人工有關，撐佢要捧「讓球客勝」啦！


橫數千軍


 中央陸軍寸王手下敗將




‧史上5次對西班牙球會未輸過，得3勝2和。

‧曾於10年被莫連奴率領嘅國米喺歐聯8強淘汰。

 皇馬作客俄羅斯2連勝

‧今屆分組賽6戰全勝，為歐聯史上第5支球隊取得此佳績

‧近2次作客俄羅斯球隊全勝，累積得2勝3和4負。

歐聯賽制：

採主客兩回合淘汰制，今輪為16強首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時無入球，則互射12碼決勝。