漢堡不來梅褪色打吡大作戰

猪拉多纳

18/02/2012


今晚德甲仲有一場北方打吡，漢堡主場迎戰雲達不來梅，兩軍近季演出同成績都見下滑，令呢場打吡戰已見褪色，但少咗人關注同冇直播都唔緊要，對兩隊嚟講始終都係不折不扣嘅大戰，兩軍近季交手入球數字唔低，今仗黑柴推介大盤。




（周六晚10時30分開賽）




漢堡自芬克接任教練後成績已有大改善，前仗逼和拜仁同上仗作客絕殺科隆，令全隊信心大增，球隊目前攻擊線上人員整齊，挾近3季聯賽主場對不來梅全勝同全開大數據，今仗必然搶攻。


比沙路復出博「士哥」


不來梅歇冬後連和四仗未贏過，其中作客弗賴堡兩度領先最終都被扳平，防線表現完全唔合格，不過上仗喺完場前逼和賀芬咸，對士氣有所幫助。今仗佢哋最大利好消息係陣中靈魂人物比沙路停賽期滿復出，呢位老將今季已為球隊射入15球，首循環亦靠佢包辦2球擊敗漢堡，佢停賽前2仗亦共入3球弗爆，今仗蓄銳而臨當然有信心入波，捧大啱數。