亨利告別要贏波唔使士哥

猪拉多纳

15/02/2012


「亨利神話」終要告一段落！今晚阿仙奴作客AC場歐聯將成亨利重臨「兵工廠」最後一戰，不過呢位傳奇話仲未得閒回味「第二春」，無論告別入球有幾重要都不及贏波，無私之心實在可敬！




亨利回歸阿仙奴嘅短短個零月就兩度射入奠勝入波，技術同風範經已完美解釋點解「兵工廠」要為佢豎立銅像。呢位「國王」將要再度告別，離別在即仍然將阿仙奴嘅利益放喺最高位置，佢接受官網訪問時表示：「我只想幫阿仙奴贏波，並冇諗過告別入球嘅事。」




「廠迷」固然唔捨得亨利，再度離「廠」對「國王」嚟講其實更難過。回歸美職紐約紅牛在即，亨利相當感慨咁話：「我作為阿仙奴球員嘅時間，只係得番呢場比賽，將來我會慢慢回味呢段日子，實在太夢幻喇。」