博AC「大」「勝」爆廠

猪拉多纳

15/02/2012
文： 阿占

尋晚嗰兩場歐聯16強相信你冇走雞，不過小弟覺得今晚AC主場迎戰阿仙奴先至係呢Round焦點。「紅黑兵團」同「兵工廠」兩隊火力有番咁上下，今場碰頭隨時會鬥攻，2倍「入球大」仲唔係明智之選？補多個1.95倍W博雙贏啦！（有線61、64、201、204及中央5台周四凌晨3:45直播）




AC今季火力冠絕意甲，雖然卡斯辛奴因病唔出得，柏圖又有傷在身，不過前鋒線依然卡士強勁。除咗伊巴謙莫域同羅賓奴外，佢哋仲有奇雲保定復出同新加盟嘅麥斯盧比斯做奇兵，你睇佢哋之前喺分組賽兩鬥巴塞都射入兩球就知唔簡單啦，啱啱聯賽逆境反勝烏甸更顯鬥心十足！


麥斯盧比斯做奇兵


其實唔止阿里基麾下嘅AC今季大玩進攻足球，對手阿仙奴亦係有前無後主義者，尤其英格蘭新星阿歷士張伯倫近期冒起，佢同禾確特呢對快翼組合，計速度喺歐洲睇怕數一數二。有佢哋兩個提供彈藥畀尹佩斯，加埋大佬亨利腳風又順，小弟唔擔心「兵工廠」會無波入囉！




既然兩隊都係以火力強勁聞名，入球大似乎係今晚玩波不二之選。以波論波，AC嘅後備席深度同大賽經驗都高阿仙奴半線，而且今場仲要喺聖西路出擊，1.95倍主W亦係唔錯嘅選擇。




頂占筍盤：AC米蘭（入球大、主W）