阿聯作客照恰黃聯

猪拉多纳

12/02/2012
文： 巨高

周日下午有兩場澳職舉行，其中直播賽事為黃金海岸聯主場對阿德萊德聯。近期黃金海岸聯認真濕滯，連續多場未能取勝，球員士氣亦相繼下滑，加上傷兵問題仍未能完全解決，戰力必定打折扣。今場黃金海岸聯難讓阿德萊德聯平半，下盤可多加留意。




（有線64及高清204台周日下午２時30分直播）




黃金海岸聯喺去年「拆禮物日」擊敗布里斯班獅吼後，至今仍未能打開勝利之門，上星期作客珀斯光輝更慘吞四隻光蛋，可知黃金海岸聯有幾弱勢，就算今次重返主場比賽，但都好難彌補所有缺點，仲要向對手讓波就唔多值捧。其實阿德萊德聯近況都係一般，不過近三次作客黃金海岸聯都保持不敗，對賽往績上有較多優勢，受讓不妨揀個下盤。


早場鳳凰獅吼「大」作戰


另外，「早場」嘅威靈頓鳳凰主場對布里斯班獅吼。佔主場之利嘅威靈頓鳳凰近期走勢極佳，連續四場聯賽都勝出。至於布里斯班獅吼亦唔弱，上仗就成功打破中岸水手嘅不敗之身。主客兩隊狀態都咁弗，梗係會放膽去攻求勝，相信大盤開出機會唔低。留意到布里斯班獅吼近期作客威靈頓鳳凰頻開「大」，今場再演入球騷都唔出奇。