止跌回升追多鋪維拉利爾搵食格

猪拉多纳

12/02/2012
文： 肥叔

肥叔向來鍾意英超，皆因賽事夠均真，真係老竇都冇面畀，其中阿士東維拉呢類中游球隊好難應付，佢哋護級壓力唔算大，可以出力同你砌，得閒做吓攔路虎，唔怕任何強隊，今輪對住曼城，肯定唔會束手就擒，預期兩隊會上演入球騷，玩大盤啦！




講番今次重心推介，同日西甲維拉利爾主場對CF格蘭納達，捧主隊！經過上半季低潮後，維拉利爾近期止跌回升，呢班波組織好、人腳好，冇可能長處下游，肥叔一早話佢哋有本錢反彈，佢哋非常爭氣，現時已進入升軌，愈來愈得人鍾意，今次對住CF格蘭納達又係餐士面，追多鋪！




（周一凌晨2時45分開賽）


愛斯賓奴穩步上揚值捧


另一場西甲愛斯賓奴主場對薩拉戈薩，捧主隊！近年巴塞隆拿雄霸西甲，同市球會愛斯賓奴長期畀人騎住，但佢哋並非全無進步，呢班今季波表現轉趨平穩，戰績持續冒升，現時已殺上前列，有力爭取歐聯席位，對住降班熱門薩拉戈薩係搶分良機，捧上盤！（now 632周日晚7時直播）