學生隊蹂躪紐維爾舊生

猪拉多纳

11/02/2012
文： 九叔

一隊波想有好成績，除咗實力之外，士氣好緊要，「巫師」華朗應承留多半年，令學生隊呢支阿甲傳統強隊上下振奮不已，今日主場迎戰紐維爾舊生，夠晒本錢開1.62倍主W。（開賽時間：周日早上6:10）




華朗同傳媒分析新一季阿甲大勢嗰陣，承認小保加始終係奪標大熱，因為佢哋有件阿根廷至Top嘅10號仔列基美，但係「巫師」並冇滅自己威風，佢都話學生隊都有能力爭埋一份，點解華朗咁有信心？好簡單啫，自從上季季尾改由艾斯干沙巴執教，學生隊明顯回勇，而且華朗應承玩多6個月，對佢哋班人刺激好大，由舊年11月下旬起計，連季前熱身同6日前對班菲特場補賽，學生隊已經跨季8戰不敗。


借埋舊將安素佩雷斯


唔只咁，學生隊剛啱向葡超榜首隊伍賓菲加，成功借用咗中場安素佩雷斯6個月，呢件舊將肯回巢，一則係想陪多啲家人，其次就係因為華朗，佢話返到學生隊覺得特別舒服喎。成班人咁融洽，學生隊點會唔踢高一皮波吖，就算贏班菲特嘅功臣巴拉拿有傷，以佢哋嘅質素同往績，夠o趙紐維爾舊生有餘。




紐維爾舊生係就係加咗唔少人，好似班菲特後衞域陀盧比斯，前學生隊守衞祖安杜明高斯等，但係由熱身賽所見，呢班波攻擊疲弱嘅問題仲未解決，開鑼戰仲要作客，想唔輸都難。


學生隊Vs紐維爾舊生


菠菜公司 主勝 和 客勝




足智彩 1.62倍 3.30倍 5.00倍

Bet 365 1.75倍 3.40倍 5.00倍

Interwetten 1.75倍 3.20倍 4.00倍

Ladbrokes 1.73倍 3.10倍 5.00倍

Victor Chandler 1.75倍 3.40倍 5.00倍

William Hill 1.73倍 3.30倍 4.80倍

平均賠率 1.72倍 3.29倍 4.60倍