烏甸攞Ａ冇難度

猪拉多纳

11/02/2012
文： 巨高

意甲烏甸尼斯主場對AC米蘭，AC比榜首祖雲達斯踢少場少一分，今場梗係會搏，但係唔係講搏就有三分呢？巨高就有保留嘞。事實上，AC米蘭受到嚴重傷兵問題困擾，就算教練阿里基成日都話冇問題，但近績勝於雄辯，AC連續三場不勝擺明唔掂，今場更缺少絕對主力伊巴謙莫域，要攞分真係難過登天。今場開出平手盤，捧烏甸尼斯坐和望贏。




（now 633及660周日凌晨1時直播）


主場喪惡 爭玩歐聯必搏


烏甸尼斯主場惡到痹，十一次意甲主場取得十勝一和，唯一能夠執番一分嘅球隊就係榜首祖雲達斯。AC米蘭今季作客唔係叻，好難頂得住烏甸嘅主場威力。仲有，AC傷停情況極度嚴重。中場雲邦美同射手伊巴謙莫域停賽，柏圖、奇雲保定、尼斯達、耶比斯、阿古蘭尼及法米尼都受傷未愈，另外，卡斯辛奴及加度素分別因心臟病及眼疾繼續休養，陣容殘得咁緊要，好難畀到球迷信心。唔好忘記，下周中AC仲要出戰歐聯鬥阿仙奴，球員或稍稍分神，就會影響到聯賽發揮。




烏甸尼斯今季交到好成績，全靠主場之利同老將迪拿達利夠弗，難得AC米蘭有咁多不利因素，烏甸定必把握良機力搶三分，爭取來季歐聯參賽資格。