國體會夠猛火捧「主勝」

猪拉多纳

09/02/2012
文： 力奇

南美自由盃分組賽A組擁有兩支前冠軍隊伍，其中2010年冠軍巴西嘅國際體育會，聽朝就會喺主場迎戰秘魯冠軍祖安奧列治。主隊今屆人腳實力進一步提升，超強火力足以躋身爭標行列，加上地利之助，要炒起剛開咧狀態不足嘅客軍，根本易如反掌，1.57倍「讓球主勝」抵玩！（開賽時間：周五早上6:00）

祖安奧列治實力差幾班

A組以衞冕冠軍山度士同前年盟主國體會為出線大熱，聽朝國體會先出場，肯定唔想失手，鬥志毫無疑問。佢哋前線本來已經有超新星李安度達美奧同前愛華頓前鋒祖奧孭飛，早前更得到聖保羅箭頭達高巴圖加盟組成無敵三叉戟。中場佢哋除咗有腳法出色嘅迪阿歷辛度策劃外，保拉迪同古拿素又係級數十足，新加盟嘅達托羅又有攞過自由盃經驗，實力強大，加上喺州聯一早操起狀態，自然有殺冇賠。


上季喺附加賽激戰3場贏得秘甲冠軍嘅祖安奧列治，講到底聯賽水平同巴甲差太遠，對佢哋實力真係咪寄望太多。陣內被視為最有卡士，就係中場重心迪查達，但都只係巴拿馬國腳。最慘係佢哋聯賽休季已經2個幾月，狀態不足，今鋪都係等做炮灰啦！