國體會操弗有買趁祖

猪拉多纳

09/02/2012
文： ComboKing

聽朝有四場南美自由盃分組賽，老實講，阿King一向覺得南美自由盃主場因素好明顯，尤其係一啲強弱懸殊嘅賽事，真係想爆冷都難，所以今日嘅重心係巴西嘅國際體育會「讓球主勝」，有1.57倍攞嚟過關啱晒。（周五早上6時開賽）


雖然巴西甲組聯賽未開鑼，但國際體育會近期已踢緊州聯賽，所以狀態方面比近兩個月冇正式比賽嘅秘魯球隊祖安奧列治好好多，以國體會嘅主場威力，相信贏兩球唔難。

天主教大學歎「細」界

另外兩場揀番細盤，來自智利嘅天主教大學係南美勁旅之一，睇番今次主場對住玻利維亞球隊玻利瓦爾，主W賠率熱到得1.13倍就知有料到。不過天主教大學踢法上比較保守，甚少大炒對手，所以今場好可能小勝，捧2.2倍細盤啱數。


至於厄瓜多爾球隊艾美歷克攻力亦唔算強，同來自巴拉圭嘅奧林比亞會只屬五五波，首場分組賽相信唔會太進取，一樣捧細。