基爾勇戰大黃蜂

猪拉多纳

07/02/2012
文： Mic少

今晚德國盃八強戰，甲組嘅多蒙特作客對非聯賽球隊基爾，德甲球隊對德國盃一向重視，近況大勇嘅「黃蜂」多蒙特絕唔會手軟，但基爾晉級過程淘汰過多支甲乙組勁旅，絕對唔係魚腩，建議捧大盤！（翡翠台周三凌晨3時30分直播）




多蒙特季初兼顧歐聯成績麻麻，但經過歇冬期後，球隊全面回勇，歇冬後三仗全勝，射入十球，前鋒巴里奧斯啱啱開齋回復信心，配合香川真司、羅拔利雲度夫斯基等入球能手，相信下半季仲有排威。


多蒙特熱到辣手


不過，多蒙特今場客W低到得1.1倍，真係熱到冇晒胃口，雖然基爾係第四級地區聯賽業餘球隊，實力同多蒙特有大段距離，但佢哋晉級過程之中，淘汰過乙組嘅杜伊斯堡、科特布斯同埋甲組嘅緬恩斯，可見實力有番咁上下。




事實上，排德北聯第二嘅基爾，絕對唔係淨係識死守嘅球隊，基爾係德北聯入波最多嘅球隊，今季十八場聯賽射入四十五球，佢哋上幾圈對住實力較自己強嘅球隊，都一樣照攻可也，所以今場捧大盤最啱。


天氣不穩鬥攻格


另外，Mic少亦留意到，近排歐洲天氣咁凍，細球會嘅球場質素冇保證，多蒙特唔熟習隨時畀基爾偷雞成功，既然兩軍都有入球能力，捧大好過！