喜鵲變動大難贏維拉

猪拉多纳

05/02/2012
文： 自由恒

德甲高效王柏比斯施斯加盟紐卡素第一擊，夥拍上半季英超最佳射手丹巴巴亞，睇落真係幾煞食，但查實呢個塞內加爾攻擊組合早前喺非國盃完全冇料到，似乎磨合需時，今晚「喜鵲」喺英超主場迎戰阿士東維拉寧取1.78倍「讓球客勝」。（有線200、300及廣東體育周日晚9:30直播）




紐卡素前線威力仲有待驗證，中場線亦面目全非，事關迪奧迪仲踢緊非國盃，卡比耶就要停賽，喺季中階段變動太多，始終唔係好事。




作客嘅維拉上仗失分，但若非球證三番四次走漏眼冇判12碼，早就可以反勝昆士柏流浪，事實上維拉近期火力正盛，戴倫賓特連續4場入波，借將羅比堅尼亦有料到，鬥攻肯定唔輸蝕。




足球重心：阿士東維拉（讓球客勝）




馬膽推介：8場7 共創未來




今季高分短途賽未出現過連捷馬，今日主席短途獎隨時又有驚喜，由於快馬唔多，boxsit嘅「共創未來」形勢相當有利，大摩為求交代肯定扭盡六壬。