猛將復出 史浩克可破緬恩斯

猪拉多纳

04/02/2012


史堤芬斯不愧係史浩克歷來最佳教練，球隊喺佢回歸後一直維持強勢，近5場聯賽全勝共轟入17球，目前已追到榜首三雄鼎立局面，同拜仁慕尼黑及多蒙特同分，史浩克上仗喺多名主力缺陣下作客反勝科隆4:1，今仗有幾名主力復出，人腳復整下，主場面對緬恩斯應可延續強勢，捧主Ｗ。




（周六晚10時30分開賽）


魯爾賀維迪斯回歸


史浩克攻擊手近期全面爆發，近5仗就先後有8位球員入過波，今仗有星級鋒將魯爾同主力後衞賀維迪斯傷愈復出，秘魯翼鋒法芬亦已復操候命，陣容比上仗完整得多。




對手緬恩斯實力明顯次一皮，近6場聯賽只曾一勝，上仗雖然主場贏包尾弱旅弗賴堡，但開賽幾分鐘就踢多個兼領先兩球，埋單都只係贏3:1，表現其實唔叻，今仗雖然有多蒙特嘅穆罕默德施丹重返球隊增強攻力，但呢位埃及射手近季坐多過踢，狀態成疑，另一射手艾拉基踢緊非國盃，防線保史雲遜同中場馬素懷斯因傷缺陣，星級中場艾雲舒捷斯啱啱傷愈只能擔任後備，今仗難免處下風。