恩高斯達特增兵有大志

猪拉多纳

04/02/2012
文： ComboKing

德乙歇冬咗一個半月後重開，唔少球隊都趁呢段空檔增兵，希望改善成績，護級分子恩高斯達特就係其中之一，佢哋借入幾位德甲兵，護級決心十足，今仗主場對強隊杜塞爾多夫，有力同對手搏拳搶分，阿King建議入球大。（周六晚8時開賽）




恩高斯達特近期積極招兵買馬，借用咗多蒙特中堅賀舒曹、緬恩斯中場希拿、凱沙羅頓前鋒阿當尼米錫。雖然佢哋唔係所屬球隊主力，但話晒曾經喺德甲打滾過，降格踢乙組，應該綽綽有餘。恩軍現時護級形勢告急，無謂諗太多，每場都要搏命，既然人腳有所增強，更加要把握機會搶分，配合地利，唔會怕杜塞爾多夫。




同杜塞爾多夫對攻




杜塞爾多夫要爭升班，現時前列幾隊競爭激烈，佢哋亦冇失分空間，更何況對手係下游嘅恩高斯達特，必然以三分為目標，作客都會照採取主動。兩隊都求勝心切，有利製造入球。


聖保利恰慣亞琛


另一場亞琛主場對聖保利，雙方近五次交手，聖保利取得全勝，而且要爭升班資格，更加唔會赦亞琛，捧客勝。法乙查多魯主場對克萊蒙特，克軍雖然係榜首球隊，但佢哋近期作客走樣，包括失分畀兩支中下游球隊摩納哥同朗斯，查多魯當頭起，近六仗五勝一和，值得秤先。