曼城顯大魔術師本色

猪拉多纳

04/02/2012
文： 樂比堅尼

今晚英超尾場曼城主場對富咸，樂比仔捧大盤。曼城上仗意外輸畀愛華頓後，榜首優勢盡失，依家只係靠得失球力壓曼聯，今仗返主場迎戰富咸，領隊文仙尼勢必採取主動強攻對手，以曼城聯賽主場超過八成開大率，今場追得過！（有線200及300台周日凌晨1時30分直播）




曼城近期戰績滑落，繼歐聯失利後，足總盃同聯賽盃先後出局，最近更有消息傳出文仙尼隨時帥位不保，令文仙尼承受極大壓力，今仗對富咸定必希望以一場具說服力勝仗，挽回高層同球迷信心。




事實上，曼城係英超「大魔術師」，今季主場成績突出，至今十一戰全勝，總共攻入三十四球，即係每場入三球有多，淨係靠自己都開到大，唔使假手於人。曼城今仗除托尼兄弟出戰非洲國家盃未歸隊外，其他主力包括早前受傷嘅巴洛迪利都可上陣，加上剛借得智利中場大衞比沙路，加強中路變化，以曼城豪華陣容，夫添出擊相信要爭取入球冇乜困難。


富咸鋒線腳風順


富咸亦係一支踢法相當進取嘅球隊，尤其係前鋒丹普西最近腳風超順，近兩仗射入四球弗到漏油，雖然中鋒森莫亞已轉投昆士柏流浪，但佢哋仍有拜仁雷斯、杜夫等攻擊球員，富咸大有機會喺曼城身上取得入球。




翻查兩隊對賽往績，可以話例多入球出現，近十次交手兩隊都有波入，即係話坐底都有兩球交易，而開大比率亦有七成，所以今場嘅大盤真係好抵玩！