尹佩斯開(月爭)唔使罰

猪拉多纳

01/02/2012


阿仙奴隊長尹佩斯上仗涉嫌向維拉守衞古拿開(月爭)，初時好多人都擔心尹佩斯會被秋後算帳，但經開會商議後，英格蘭足總決定唔再追究，尹佩斯唔使被罰停賽，可專心幫阿仙奴爭取佳績。




從直播鏡頭所見，尹佩斯確實批(月爭)撞到古拿，維拉領隊麥利殊亦炮轟尹佩斯踢茅波，但英格蘭足總研究後，決定唔向尹佩斯採取紀律處分，對阿仙奴下半季爭取佳績有極大幫助。


宮市亮借投保頓


此外，阿仙奴日本球員宮市亮被借往保頓，今場因外借條例未能倒戈。呢位小將今季苦無上陣機會，外借後有機會一顯身手。