魔鬼救兵就快歸位

猪拉多纳

31/01/2012


曼聯目前共有十名傷兵，不過傷患問題好快得到解決，因為三名中場湯卡華利、路爾斯安達臣同埋艾舒利楊格都即將復操，有望喺短期內復出，其中費格遜對湯卡華利相當期待。




費格遜表示：「湯卡華利係一名相當特別嘅球員，佢季初表現非常好，但踢咗冇耐就受傷，佢依家已經跑緊步練氣，相信距離復出日子已不遠。」現年二十二歲嘅湯卡華利於去年十月足踝受傷，軍醫估計佢可以二月復出，外界估計若然佢狀態良好嘅話，有機會入選英格蘭國家隊踢歐洲國家盃。




至於艾舒利楊格同埋路爾斯安達臣較早前都係膝頭受傷，曼聯多咗呢幾位中場歸隊，可以話有人滿之患，難怪費Sir話唔使買人，因為隨着傷兵陸續復出，就好似有幾名新球員加盟一樣！