士砵亭夠鐘反彈捧客W

猪拉多纳

23/01/2012
文： ComboKing

本周葡超壓軸好戲由奧漢倫斯主場對士砵亭，自從歇冬後，士砵亭就一直未能回復正常水準，表現令人極為失望。但經過教練杜明高斯調整後，球隊應可重新振作。其實今場對手奧漢倫斯實力唔強，士砵亭要喺作客環境下贏波唔太困難，客W值得留意。（周二凌晨4時15分開賽）




士砵亭放完假之後就未贏過，近況確實畀到球迷信心。不過唔好咁快就睇死佢哋，始終杜明高斯係位有料教練，去季就曾成功協助布拉加打入歐霸盃決賽，相信佢一定有辦法令球員重拾信心。另士砵亭嘅荷蘭前鋒雲禾夫斯雲高正受到多間歐洲大球隊注視，話唔定喺短期內轉投豪門，為前途佢今場一定會盡顯身價。論近況奧漢倫斯都係普通，今場未必威脅到士砵亭，主場輸波唔意外。


捧奧斯讓球客勝


另一場荷乙雲登主場對奧斯可捧「讓球客勝」，近期雲登步入低潮期，聯賽連輸3場全冇起色，今場讓唔起對手。至於法足盃杜亞斯主場對蒙彼利埃，杜亞斯值得留意。雖然係乙組仔，但佢哋喺主場比賽特別醒神，受讓可捧「讓球主勝」。