錫耶納主場惡 手到拿來

猪拉多纳

22/01/2012
文： ComboKing

今晚意甲有場錫耶納主場對拿玻里，上輪賽事錫耶納演出較為失色，但今次返主場應有唔同表現。實在錫耶納今季聯賽四勝皆喺主場取得，本周當然有取分機會。拿玻里作客讓波欠穩陣，宜捧「讓球主勝」。（周日晚10時開賽）




錫耶納個別球員質素確實唔夠拿玻里咁好，但足球始終係團隊運動，只要錫耶納在場十一人能發揮出最強力量，以弱制強並非冇可能。尤其今次有主場之利，球迷聲勢定必激發起球隊鬥志。唔好忘記錫耶納仍未逃離降班威脅，未來半季賽事肯定會拚盡，而拿玻里今季作客成績麻麻地，對錫耶納都唔覺得任何威勢，仲要讓波嘅話不如揀「讓球主勝」。


ＡＣ作客「路」難行


至於同時間進行嘅萊切主場對基爾禾，萊切今季發揮唔到主場應有霸氣，聯賽八次主場僅得一和七負劣績，中游球隊基爾禾有力取勝，捧客W。最後路華拿主場對ＡＣ米蘭，「讓球主勝」可優先考慮。兩隊剛喺上周中意大利盃對賽，當日ＡＣ有主場之利都要戰至加時先贏到對手，周日重返聯賽輪到路華拿佔地利，相信ＡＣ更難贏，讓波必捧對家。