巴勒莫打鐵趁熱

猪拉多纳

22/01/2012
文： SAMVO肥叔

龍年將至，肥叔喺度祝願各位順順利利，嚟緊齊齊發新年財！為咗幫大家過肥年，肥叔近期度波動力更強，希望揀番幾場好料送畀廣大讀者！是日英超矚目大戰阿仙奴主場對曼聯，莊家開平手盤，個人稍為睇好「紅魔鬼」，信心唔算特別大，專心睇波好過。




講番今次重心推介，意甲賽事巴勒莫主場對熱拿亞，捧主隊！「傻豹」巴勒莫去年十二月至今未贏過，歇冬後戰績未有改善，似乎低潮未過。「傻豹」照計屬意甲中上游分子，現時身處下游，相信已經見底，預期下半季有機會展開升浪，今次對熱拿亞要讓半球，盤口仍然好硬淨，睇盤有計，有力贏番場反彈。（周日晚10時開賽）




卡利亞里「飛到波到」要撐




另一場心水都係意甲，卡利亞里主場對費倫天拿，要主隊！卡利亞里以往主場威力唔弱，但今季踢落麻麻，不過，呢班係正宗搵食球隊，經常「飛到波到」，唔好睇小！費倫天拿今季作客表現好曳，客場評級甚低，今次受讓平半，睇落個盤幾吸引，但千祈唔好落疊，卡利亞里有機會喺主場贏波。（周日晚10時開賽）




同日西甲奧沙辛拿主場對華倫西亞，華倫作客唔係特別叻，今次讓波明顯係因為名氣較大，奧沙辛拿主場頗具威力，受讓着數！


肥叔心水


奧沙辛拿 下盤

熱刺 下盤

卡利亞里 上盤

巴勒莫 上盤

烏甸尼斯 上盤

華歷簡奴 上盤

曼聯 平手盤

馬拉加 大

利雲特 上盤