弗賴堡星散反得過

猪拉多纳

21/01/2012
文： 蘇斯黑柴

今晚黑柴同大家研究德甲榜尾大戰，包尾嘅弗賴堡主場對尾二嘅奧格斯堡（周六晚10時30分開賽），弗賴堡歇冬期經歷超級大地震，實力嚴重削弱，黑柴誠意推介有3.3倍嘅奧格斯堡客W。




弗賴堡未踏入歇冬期已開始地震，前度主帥疏治以紀律同表現欠佳理由，一口氣解僱陣中六名球員，包括隊長畢斯查、正選左後衞巴斯迪安斯、中場艾迪薩基等，會方及後炒咗疏治，但接替佢嘅史甸治仍堅持放棄六將，導致兵力大減。




撐奧格斯堡客W




弗賴堡今仗賽前仲將陣中靈魂柏比斯施斯賣畀紐卡素，佢哋過去兩年一直係柏比斯施斯「一人球隊」，從未試過喺佢缺陣下贏過一場聯賽，今仗仲有另一前線主力加拿迪比利離隊踢非國盃，佢哋賣柏比斯施斯袋咗1,200萬歐元，竟然只用80萬歐元補充番四名二打六球員算數，今仗正選陣容有半數面目全非，就算主場都唔夠愈踢愈進步嘅奧格斯堡砌。