非洲國家盃周日開打

猪拉多纳

20/01/2012


兩年一度的非洲國家盃將於香港時間1月22日凌晨在赤道畿內亞揭幕，今屆由赤道畿內亞及加蓬合辦的賽事，雖缺少兩大傳統勁旅喀麥隆和尼日利亞，幸好還有星光熠熠的科特迪瓦支撐大局，杜奧巴、沙洛文卡勞、謝雲奴、托尼兄弟，加上摩洛哥的英超雙雄查馬克同泰拉拔、加納射手基恩和阿休兄弟及當紅的塞內加爾射手丹巴巴亞，星味依然濃烈，戰情肯定精彩。


揭幕戰撐東道主


周日凌晨2時30分（now 676 Eurosport直播）(六)54赤道畿內亞Vs利比亞




非洲國家盃揭幕戰，由東道主之一的赤道畿內亞出戰利比亞，利比亞被視為A組最弱，赤道畿內亞如想進身8強嘅話，今仗要贏至掂，建議捧主勝！




赤道畿內亞的實力在非洲只屬中游，但今次有主場之利，而且同組對手實力不強，故出線機會樂觀，首場分組賽對住魚腩利比亞，是全取3分的良機。赤道畿內亞陣中有9人在水準不俗的西乙及西丙搵食，其中最具名氣球員係拉科魯尼亞的保迪普，這位34歲射手功架十足，赤軍爭出線靠佢數胡！


利比亞未夠斤両


利比亞在外圍賽抽到靚籤，同組只得贊比亞實力較佳，結果外圍賽3勝3和成績，次名打入決賽周，但來到決賽周將難再創奇迹。利比亞大軍以土炮為主，球員水平較低，亦缺國際賽經驗，加上該國早前發生政變，在國內政局動盪不穩定的環境下，球員戰意成疑，今仗面對東道主輸面甚高。


塞軍雙箭齊發搶W


周日清晨5時開賽(六)61塞內加爾Vs贊比亞

同日A組另一戰塞內加爾鬥贊比亞，塞內加爾自02世界盃後便再無佳作，然而今次卻猛將如雲，包括兩位紐卡素射手丹巴巴亞同柏比斯施斯等進攻精兵。反觀贊比亞球員主要來自南非及剛果等低檔聯賽，質素參差默契成疑，料難擋塞內加爾侵襲。

光芒閃耀英超德甲

塞內加爾目前最當紅的是紐卡素射手丹巴巴亞，他今季在英超光芒四射，甚至有力問鼎神射手寶座，其拍檔柏比斯施斯近兩季亦在德甲走紅，日前更強勢由弗賴堡加盟紐卡素，單是這對雙箭頭，力足反轉贊比亞防線。此外，塞軍大部分國腳都在法甲搵食，較易建立默契。由於上屆無緣參賽，故今次更想做齣好戲，打響頭炮。

贊比亞足球水準未入流，在非國盃一向陪跑居多，陣中大部分球員都在非洲搵食，另外亦有幾位外流以色列球會，因傷患未有入選，今場輸少當贏。