賓菲加盃賽照砌唔揸流攤

猪拉多纳

18/01/2012
文： RICHARD WELBING

好多大球隊都唔太重視盃賽，若果有機會爭聯賽冠軍，又有份參與歐洲賽嘅話，盃賽就會變得次要，部分球隊甚至會放棄。不過喺葡萄牙球壇，上述情況較少發生。縱使當地有葡盃及葡聯盃兩項盃賽，賽期編排得較為頻密，但葡超Big 3球隊仍會全力以赴爭好成績，積極態度好值得讚賞。


主場對甲組仔有鑊氣


最佳例子一定係賓菲加，雖然上季喺聯賽曾發力追趕波圖，但亦都騰出部分主力去爭取葡聯盃，最終更贏得冠軍。今季葡聯盃第二輪分組賽，以衞冕身份出戰嘅賓菲加，將喺主場鬥甲組嘅辛達卡拉，相信賓菲加可保持強隊本色，以大比數狂炒呢支低組別球隊。其實喺首場分組賽，賓菲加面對甘馬雷斯都冇留情，以四比一大勝而回，今次對手只不過葡甲「九哥」，相信賓菲加會贏得更加輕鬆，「讓球主勝」可留意。（周四凌晨4時15分開賽）