馬略卡無間細力滲畢爾包

猪拉多纳

18/01/2012
文： 法比加輝

另一場八強首回合由畢爾包主場對馬略卡，今場係馬略卡教練卡柏路斯離開畢爾包後，首度重返聖馬美斯球場，難免成為賽前焦點。卡柏路斯係畢爾包近年「升呢」頭號功臣，佢對呢班波瞭如指掌，加輝認為卡帥有力領馬略卡頂住主隊，今場首選細盤。（周四凌晨3時開賽）




卡柏路斯熟晒畢爾包




卡柏路斯上季約滿後離開執教四年嘅畢爾包，輾轉下改教馬略卡，不過唔少畢軍球員依然對呢位舊帥十分尊重，例如馬高蘇沙亞達賽前就話因為卡柏路斯，已足夠令畢爾包在今場吃盡苦頭。事實上，卡柏路斯確係畢爾包近季躍進關鍵人物，佢一手帶領球隊由護級分子變為有得爭歐洲賽席位嘅球隊，功力絕對唔嘢小。




卡柏路斯好清楚對手強與弱，畢軍要贏波並唔容易。基於作客環境，加輝估計馬略卡會採取保守政策，亦因為首回合關係，畢爾包亦未必輕舉妄動，故今場捧細最啱數。