馬天尼斯挑文仙尼機

猪拉多纳

16/01/2012


韋根今仗對曼城，牌面上完全輸蝕，不過領隊馬天尼斯好識得用心理戰，賽前向對方領隊文仙尼作出挑釁，除咗話熱刺嘅踢法比曼城悅目之外，更話高柏尼應該被罰停賽，擺到明火上加油！




韋根同曼城都處於大曼徹斯特區，今仗係打吡戰，所以大戰氣氛特別濃厚，韋根升班以來成績雖然麻麻，但喺限米煮限飯嘅情況下，領隊馬天尼斯都算交足功課，佢賽前牙擦擦話有信心今仗搶分成功，因為相比之下，熱刺比曼城更可怕！




寸高柏尼停賽抵死




馬天尼斯表示：「好多人話今季英超爭標係雙曼之爭，但我覺得依家最勁係熱刺，佢哋嘅進攻真係無人能及，至於早前高柏尼領紅牌，文仙尼大聲疾呼話冤枉，我就覺得任何雙腳攔截都應該被逐，球證嘅判決相當公道。」