巴塞撼貝迪斯攻「細」難求

猪拉多纳

15/01/2012
文： 鄭少偉

年頭唔少朋友都會走去拜吓車公、黃大仙、又或者問觀音借庫等等，嚟到年尾大家願望成真的話，就記得要去還神，「亨利」唔係導人迷信，不過自己都會拜神求個心安，今年咁順，當然已經去咗還神啦！




講番今晚嘅波先，西甲壓軸重頭戲當然係地上最強嘅巴塞隆拿主場迎擊貝迪斯，巴塞今季主場除咗畀西維爾守和之後，其餘場場都可以大炒對手，相信唔少人都覺得佢哋今晚對住貝迪斯都可以easy win。


日前西盃又傷兩件唔敢亂嚟


但事實上巴塞其實並唔係冇隱憂，上場西班牙盃揸住4球優勢，作客奧沙辛拿諗住畀啲後備上陣輕鬆過關，點知又傷埋方達斯同柏度洛迪古斯兩件，有西班牙媒體仲話佢哋今晚得15個球員可用添！




其實巴塞最難防嗰瓣，就係喺禁區附近由美斯、沙維同恩尼斯達hold住個波，再由其他隊友接應，或者係借佢哋過橋自己推入去埋門，依家少咗柏度洛迪古斯同韋拿入楔，巴塞火力可能會受影響，而且周中又要喺西班牙盃8強首回合硬撼死敵皇馬，呢場都未必去到盡，話晒主場仲係保持零失球，入球大細中位數去到3.5球，一於捧1.95倍細。（now632台周一凌晨4:30直播）