畢爾包食硬利雲特

猪拉多纳

15/01/2012
文： ComboKing

今次睇中幾場賽事，先睇畢爾包主場對利雲特，畢爾包主場惡氣十足，演出硬淨到不得了。利雲特虛火已過，作客連輸六場，已經現晒形，今次睇怕都係無力反抗，捧主Ｗ！




（now 632周一凌晨1時直播）




畢爾包向來靠主場搵食，球隊近仗於主場愈踢愈好，對上三次於自己地頭出擊贏晒，表現可靠。大軍歇冬後三場保持不敗兼不失，雖然對手實力唔算強，但勝在夠穩定，呢點非常重要。利雲特上半季戰績好，但近六次作客輸晒，反映球隊客場表現真係唔掂，今次都唔好睇得太高，捧對家！


串希杭費倫天拿


另一場西甲賽事由希杭對馬拉加，捧主隊！馬拉加今季大肆擴軍，現時戰績唔差，但球隊近況明顯回落，對上五戰未贏過，現時士氣麻麻，今次作客讓波靠唔住，要「讓球主勝」！跟住睇多場意甲，費倫天拿主場對萊切，萊切作客水皮，今場睇怕都係畀人數，可捧「讓球主勝」。