華倫追巴塞 地頭歎「私房菜」皇蘇

猪拉多纳

14/01/2012
文： 鄭少偉

各位《太陽波經》嘅波友，新年快樂呀！2012年第一次喺度同大家見面，梗係要祝大家嚟緊呢年波運亨通、連場報捷，話晒新年第一擊，「亨利」就揀場華倫西亞主場對皇家蘇斯達，向大家推介華倫2.05倍「讓主」，希望一擊即中旗開得勝啦！（now632台周日清晨5:00直播）


華倫射手蘇爾達杜停賽


華倫自從放完冬假後，包括西班牙盃嘅3場比賽錄得勝和負各一，睇落好似唔多似樣，但細心留意一下，其實佢哋輸嗰場係睇住首回合落後嘅西維爾嚟踢，華倫首回合喺主場小勝，次回合作客又先開紀錄，最後雖然輸咗但就靠作客入球優惠晉級，所以輸波亦唔可以作準。




而另一場聯賽就係先失2球嘅劣勢下，最後逼和主隊維拉利爾，論近況其實唔差，而且佢哋目標鮮明，今場一贏就可以追近「二哥」巴塞隆拿，主場出擊即使有射手蘇爾達杜停賽，都冇有怕啦！




況且對手皇蘇近排唔多順，周中西班牙盃次回合對馬略卡大敗出局，對班球員都咪話唔傷。加上佢哋近13次作客交手都贏唔到華倫，絕對係「蝙蝠兵團」嘅「私房菜」，今場輸少當贏啦！