悲情波歷克無奈妥協

猪拉多纳

14/01/2012
文： 蘇斯黑柴

無論你過去幾風光，幾有性格，人大咗，就要曉得因應形勢妥協，黑柴都一把年紀，愈嚟愈明白箇中道理，波歷克絕對係近10年嚟德國足球嘅icon，但同時亦係最悲情人物，不幸嘅不平嘅事不斷喺佢身上發生，令人慨嘆人生就係咁無奈。




波歷克多年來都受困於二奶宿命，計晒德甲、世界盃同歐聯，佢擁有嘅亞軍獎牌數目永遠無人能及，前年世界盃更因傷缺陣，要將隊長臂章暫交予拿姆。




點知劉備借荊州，一借冇回頭，拿姆之後利用佢嘅拜仁背景死攬臂章唔放，亦影響到親拜仁嘅德國領隊勒夫，之後波歷克大部分時間被拒國家隊門外，勒夫甚至未問過波歷克，就同佢安排去年八月對巴西嘅熱身賽作告別國家隊，波歷克當時拒絕接受，但人始終會化，如今已屆35高齡，亦因傷導致演出下滑，佢終於肯面對現實，願意同國家隊坐低解決問題，相信德國足總好快會同佢安排番一場體面嘅告別賽。


皇馬讓球勝串聖日耳門勝


今個禮拜德甲仲歇緊冬，黑柴簡單玩一條二串一過關，推介皇家馬德里「讓球客勝」串巴黎聖日耳門主勝。