史篤城蓄銳偷紅軍雞

猪拉多纳

14/01/2012
文： Wendy

今晚英超戲碼唔弱，我心水係利物浦主場對史篤城。啱啱喺英聯盃四強首回合贏曼城嘅「紅軍」，近日士氣提升，不過史篤城作客表現亦大有改善，所以就算主勝開得熱，都未必開得出！




近日利物浦好消息頻傳，除咗行近英聯盃決賽之外，「謝老四」復出之後狀態大勇，擔番起成隊紅軍，後備一入替就有料到，近日仲重返正選，可想而知「神奇隊長」地位舉足輕重。不過「紅軍」表現始終唔穩定，近兩場盃賽連贏前，對布力般同韋根都只係和波，咁邊個可以擔保今晚「紅軍」唔會忽然冇態？


高治倒戈有睇頭


首循環利物浦狂攻史篤城都要輸○比一，雖然之後喺英聯盃作客贏番二比一報仇，但嗰場「梅開二度」嘅蘇亞雷斯今晚要停賽，就局限咗「紅軍」嘅入球能力！




史篤城近六場作客有四勝，今晚會倒戈嘅長人高治腳風轉順，將拍住約拿芬禾達斯喺前線搏殺。由於佢哋早已經喺英聯盃出局，周中冇比賽，比「紅軍」有更多休息時間，史篤城受讓，今場讓球客勝真係有計啊！




（有線201及301台周六晚11時直播）


Wendy推介：利物浦 Vs 史篤城 史篤城讓球客勝


熱愛舞蹈的Wendy，04年歐國盃Euro Babe變身成有線球彩台節目主持，當初對足球猶如混沌初開，依家已滾瓜爛熟，最愛暢談波經。

phone波熱線：1831 678

電郵：soccer64@cabletv.com.hk

「球彩俱樂部」開放時間：晚上10:30至晚上11:45