熱刺過熱遇狼博大

猪拉多纳

14/01/2012
文： 法比加輝

熱刺近期氣勢如虹，主帥夏利列納高調話要爭標，咁招積隨時有反效果，今晚主場對狼隊讓得多唔可靠，改捧大盤更佳！（有線202及302台周六晚11時直播）


狼隊咬過阿仙奴


唔經唔覺熱刺已經追到同次席曼聯同分，僅落後榜首曼城三分，教頭夏利列納愈來愈招積，近日高調喪寸曼城用錢買成績，話對球隊以努力爬上前列感到自豪。另外，主將雲達華治亦話曼城面對壓力表現走樣，講到熱刺爭標前景光明。




熱刺近六次主場出擊贏五場，狼隊拍住史雲斯身處英超作客榜尾，單計賽績冇得揮。不過，狼隊早前曾作客悶和阿仙奴，主場僅負車路士，反映對強隊並非不堪一擊，今場隨時偷雞入到波，預計兩隊有唔少士哥，玩大啦！