意甲重開阿特蘭大要攞A

猪拉多纳

08/01/2012
文： ComboKing

意甲歇冬後重開，今晚有場賽事值得留意，阿特蘭大主場對AC米蘭，阿特蘭大今季表現穩定，聯賽主場未嘗敗績，今次對住名牌球隊AC有得受讓，盤口非常抵玩，可捧「讓球主勝」！（周日晚10時開賽）




阿特蘭大現時位列中游，但表現絕不失禮，今季聯賽十六戰只輸兩場，單計主場八戰四勝四和未輸過，對手包括國際米蘭及拿玻里等實力分子，絕對唔講得笑。AC位居前列，但聯賽作客勝出率只得五成，唔算好惡，呢場可博「讓球主勝」。


祖雲達斯增兵砌萊切


同日祖雲達斯作客萊切，祖雲達斯今季人腳充裕，被視為爭標熱門，歇冬期引入土炮射手波里路，前線火力大增，今次作客弱旅萊切可再下一城。另外，羅馬主場對基爾禾，羅馬休戰前已回勇，預計會進入升軌，今仗應可贏波全取三分。