黃金海岸聯打機最拿守

猪拉多纳

04/01/2012
文： ComboKing

今日阿King集中講澳職，全日重心放在紐卡素噴射機主場鬥黃金海岸聯。黃金海岸聯近四場不敗全靠防線守得穩，紐卡素噴射機狀態平平好難咬得入佢哋，「讓球客勝」及入球細都係投X之選。（周三下午2時30分開賽）




黃金海岸聯早前經歷聯賽五連敗，近期演出開始回勇，對上四場聯賽不敗之餘，最難得係防線保持一球不失，相反紐卡素噴射機近四輪聯賽只得一分，兼且場場有失波，防線甩漏多成致命傷，要讓波實在唔樂觀。雙方近六次交手，黃金海岸聯只輸過一次，包括今季首循環主場勝三比一，心理上有優勢，今次受讓首選「讓球客勝」。如果嫌賠率太熱，可轉敲細盤，兩軍攻力都唔算突出，黃金海岸聯勝在防線穩，預料入波唔會多。


墨爾本雄心5連勝追大


另外兩關包括威靈頓鳳凰主場鬥FC悉尼，FC悉尼對上三次作客威靈頓鳳凰均落敗，後者上次主場大炒紐卡素噴射機五比二，主場保持三連勝，今場有望延續佳績，鳳凰讓平半捧上盤。最後墨爾本雄心主場鬥阿德萊德聯，墨爾本雄心五連勝狀態大勇，遇上同樣攻力強勁嘅阿德萊德聯，捧入球大啱數。