「聖人」主演大屠「城」

猪拉多纳

30/12/2011
文： 亨格比利

聯賽係漫漫長路，強如巴塞、曼聯都會有低潮，英冠「一哥」修咸頓亦都一樣，月頭接連失分之後終於反彈，今晚喺無敵主場出擊恭候布里斯托城，睇嚟會係一場大屠殺，亨格比利要2.08倍「讓球主勝」。（開賽時間：周六凌晨3:45）


修咸頓反彈止頹勢


修咸頓上場砌低水晶宮終止聯賽3場不勝頹勢，目前喺聯賽領先次席嘅韋斯咸3分，今晚喺主場恭候布里斯托城有中場卓奴傷愈復出，而且隊長甸夏蒙特會係第100次為「聖人」正選披甲，為面子同戰績都肯定唔會放過對手。




最重要係修咸頓喺聖瑪莉球場出擊好有把握，連埋聯賽盃今季14次主場出擊錄13勝1和佳績，連「錘仔幫」韋斯咸同米堡嚟到都冇運行，試問近5場聯賽全部失分嘅布里斯托城有咩本錢偷雞吖？




仲有喎，「布城」首席射手美爾納特因為唔肯續約，最近狂畀球迷噓，搞到啲關係好鬼僵，領隊麥恩尼斯無奈表示明年1月賣走佢，陣營士氣唔慌好，造訪今季英冠場均省兩粒嘅「聖人」隨時輸鑊勁！