雲達華治披甲熱刺「大」得起

猪拉多纳

27/12/2011
文： 自由恒

雖則話英國波唔會歇冬，不過當地體育媒體聖誕一樣假照放，今日賽事嘅最新消息其實已經係來自上星期六。


史雲斯主場踢守「細」波


今晚尾場諾域治對熱刺，最後來料話上場傷出嘅客軍中場雲達華治趕及披甲，絕對係熱刺嘅一大喜訊，雖則呢位荷蘭中場今季入少咗波，但上場迎戰車仔嘅下半場一冇咗佢，進攻瓣數隨即大減，今場有番佢點都定啲。不過後防最信得過嘅京治，就因為唔想整親對玻璃腳，今場好大機會被收起，對住今季僅兩場冇波入嘅諾域治，最啱就係捧1.62倍入球大。（有線200、300及廣東體育周三凌晨3:30直播）




至於史雲斯對昆士柏流浪嘅搶分大戰，史雲斯今季主場僅失2球，係全英超最少，奈何佢哋火力唔強，近7戰有5場交白卷，1.68倍入球細係最佳投X之選。（有線200、300及廣東體育周三凌晨1:00直播）




足球重心：諾域治（入球大）、史雲斯（入球細）




馬膽推介：7場6 巴其利




上場加眼罩初跑泥地即大勝，今仗排6檔遇上內欄快馬唔多，相信可以切入順放，反觀同場主要對手「飛躍之駒」執咗10檔，形勢肯定較輸蝕。