熱刺嗒唔諾阿仙奴屠狼

猪拉多纳

27/12/2011
文： Mic少

兩支倫敦死敵阿仙奴及熱刺今晚英超快車分途出擊，阿仙奴主場對狼隊，熱刺作客諾域治。阿仙奴上輪完場前險勝維拉，最妙係憑弱項角球入波，擺明有運行，相反熱刺上輪主場對車路士，圍攻下射極唔入打個和。阿熱兩軍氣勢此消彼長，今晚一於撐「槍手」反熱刺！


狼隊作客６連敗


阿仙奴主場對狼隊，賽前傳出兵工廠領隊雲格可能收起射手尹佩斯，不過Mic少認為消息煙幕居多，一來阿仙奴未來幾場對手皆為下游球隊，毋須刻意留力，二來尹佩斯正挑戰英超年度入球紀錄，雲格冇理由咁掃興阻佢。預料阿仙奴會強攻狼隊，助尹佩斯入波，淨勝兩球冇難度，捧「讓球主勝」。




（有線200及300台周二晚11時直播）


尹佩斯誓破紀錄


阿仙奴七日內踢三場聯賽，表面上好頻撲，但對手只係狼隊、昆士柏流浪同富咸，頭兩仗仲係主場，並唔難踢，實在冇需要收起尹佩斯，今晚必全力在狼隊身上攞晒三分。




由於兵工廠今年只餘下兩仗，尹佩斯現時以三十四球追平亨利為阿仙奴一年所射入的入球紀錄，只要再射入三球就可打破舒利亞九五年創下嘅一年三十六個聯賽入球紀錄，阿仙奴多年來同錦標無緣，難得有球員可以威番鋪，梗係要全力幫助尹佩斯，只要佢上陣，眾將士勢必更落力創造機會畀佢建功。




事實上，阿仙奴對弱隊從來唔錫力，今季分別大炒過兩支護級兵保頓同韋根三球同四球，更何況狼隊聯賽作客六連敗，包括近兩次均以三球差距輸畀車路士同曼聯，作客成績排英超尾二，今仗到訪倫敦，隨時又大敗而回。

阿狼近四次聯賽交手成績

球季 戰果

10/11 阿勝2:0

狼負0:2

09/10 阿勝1:0

狼負1:4