新特蘭保頓執筍嘢

猪拉多纳

26/12/2011
文： 樂比堅尼

今日係拆禮物日，樂比仔精選兩份聖誕禮物送畀大家，就係英超「聖誕快車」嘅保頓同埋新特蘭，雖然兩隊都唔係名牌，但卻有決心踢場好波，正所謂物輕情義重，足球菠菜同送禮物一樣，唔係一定要名牌先好嘅！


黑貓有食神口趙埋拖肥


另一場拆禮物日精選係「黑貓」新特蘭，新特蘭自從由奧尼爾執教後，由「病貓」變做生貓，好似變咗另一隊波咁，近三場賽事全部贏盤，雖然佢哋今仗主場對愛華頓要讓平半，但以球隊目前個勢，冇理由唔贏埋佢，樂比仔撐上盤！（有線204及304台周一晚11時直播）


「奧尼爾效應」強勁


一個領隊對一支球隊幾重要？睇奧尼爾就知！樂比仔一向認為奧尼爾係英格蘭頂級領隊，其級數絕對拍得住費格遜、雲格，淨係睇維拉近年有佢同冇佢嘅分別，大家已好清楚佢嘅能力去到邊。新特蘭由佢接手以來，用嘅係同一班人，但佢領軍三仗已先後擊敗昆士柏流浪同埋布力般流浪，另外作客熱刺亦幾乎偷雞得手，所以依家嘅新特蘭絕對唔可以睇小！




其實新特蘭班底唔算差，唯一挑剔嘅係前線攻力唔夠銳利，但喺奧尼爾領導下，新特蘭喺三場比賽取得五個入球，係好大嘅進步。




「拖肥糖」愛華頓近況回落，近四仗僅得一勝一和，入得兩球，入球能力相當低，前鋒沙夏冇貨交，卡希爾甚至連正選位置亦不保，睇番愛華頓今季聯賽入球分布，冇一個球員入波多過三球，以咁嘅攻力，作客光明球場想有作為都幾困難，一於捧「黑貓」！